حديث الليجار

يجبد باكو الكريستال و يركز عالطاولة و هو يتمتم
-بلاد ق****ة حتى الدخان مرهولنا
ويتلفت للقهواجي و هو مزال في حالة الهيجان
-يا زفت ...جيب اكسبراس ..و دبوزة ما
يتلفتلو القهواجي و يرميه بنظرة كلي احتقار و يمشي للكونتوار و هو يتمتم وحدو
نركز شوية مع المشهد و نتعمد اني نمد باكو الليجار الي موش مضروب و الي صارت عملية البحث عنو اشبه بعملية البحث عن عذراء في نهج زرقون ...و نتاكد الي هو شاف العملية و توصل لوذني بعض التذمرات و وكلمات الشكر و التمشكير عالطريقة التونسية الشي الي يخليني نتمادى اكثر و نفث الدخان حذاه و على شفتي ابتسامة عريضة متع تشفي